Category Archives: LSM

Helpu nin Konstrui Estontecon!!!

Nia Ligo jam estas 100 jara, kaj la cirkunstancoj kie skolt(in)ismo multe ŝanĝis inter la komencaj jaroj de la ligo, kaj la nuntempo. Pro tio oni bezonas ŝanĝi ne la celojn sed la rimedojn kiujn ni uzas por atingi la celon montri Esperanton al la skolt(in)aro.

Ni konstruis malgrandan enketon pri SEL kaj ĝia agado, kaj demandas tie pri kelkaj aferoj kiuj iam aperis en la diskutoj pri SEL, kiel ekz-e ĉu starigi SEL kiel internacia skolta organizo konkurenca al aliaj skoltaj organizaĵoj?, ĉu ĵamboreumi ĉiun 4an jaron? Ĉu krei konkursojn internaciajn? ktp.

Ni petas al vi, respondi tiun ĉi enketon por havi ideon pri la nuna situacio de SEL tra la mondo, kaj kien iri kaj kion fari.

Jen la ligo, kaj ne nepre vi devis/devas esti membro de la skolt(in)a movado por ĝin respondi.

Klaku sur la ligon kaj helpu nin. Oni malfermos novan fenestron, kaj klaku sur “siguiente” ( sekva, en la hispana), kaj bv. respondi.

Vjetnama Skoltisma Movado ĉe WOSM!!!

Post longa laborado de la Azia-Pacifika Komitato kaj la Pionira Skolta Movado de Vjetnamo, kaj post 44 jaroj de foresto, skoltismo en Vjetnamio estas denove ĉe WOSM. 

Hodiaŭ anoncis S-ro Craig Turpie, de la Monda Skolta Komitato, ke la Monda Oficejo de la Skolta Movado akceptis la revenon de Vjetnamio al tiu ĉi granda skolta familio. 

Fakte skoltismo ĉiam ekzistis en Vjetnamio, nur ĉesis iomete dum la tempo de la milito ( 1960-1970), kaj la ebleco de remenbriĝo ĉe WOSM okazas post longa laboro de reunuiĝo de la diversaj branĉoj de skoltismo kiuj aperis post la milito, kaj tio ŝuldiĝas al penado de la Azia-Pacifika Regiono de WOSM.

Nuntempe ekzistas ĉ. 5.000 skoltoj en Vjetnamio, kaj oni deziras krekigi tiun membraron.

Por esperantistoj nun malfermas ankaŭ la pordojn por prezenti Esperanton kiel taŭga ilo por internacia komunikado.

La Skolta Leĝo en Ĉilio

Guias y Scouts de Chile

Sendube, la plej grava momento en ĉies skolt(in)a vivo, estas kiam oni faras “la promeso”-n.  La Skolta Leĝo ne estas la sama tutmonde, kaj de tempo al tempo oni aranĝas ĝin laŭ la nova sentemo de la junularo.

Malgraŭ tio, ĝi ĉiam kaj ĉie invitas nin agi laŭ ĝi.

Do, ĉu vi povas sendi al ni kiel tekstas nuntempe la Skolta Leĝo por via Skolt(in)a Asocio?

En Ĉilio, la teksto de la Skolta Leĝo  tekstas jena:

Skolt(in)o estas:

  • fidinda
  • lojala
  • servema sen atendi rekompencon
  • disdonema je ĉiuj
  • gaja kaj afabla
  • protektema je la vivo kaj natura
  • respondeca kaj nenion duonfaras
  • optimista
  • zorgema pri aĵoj kaj valoras la laboron
  • kohera en sia penso, vorto kaj ago.

Kaj ĉe vi?

Ridetu

 

Gabriela Mistral
Gabriela Mistral

(poemo de Gabriela Mistral,  Ĉilia Nobelpremiito ) 
Rideto kostas malmulton,
kaj produktas multon.
Ĝi ne malriĉiĝas tiun, kiu ĝin donas
kaj riĉigas tiun, kiu ĝin ricevas.
Ĝi daŭras etan momenton
kaj restas eterne en memoro.
Ĝi estas la eksterna spuro
de profunda amikeco.
Neniu estas tiom riĉa,
kiu povas vivi sen ĝi;
kaj neniu tiom malriĉa
por ne meriti ĝin.
Rideto konsolas lacecon,
renovigas la fortojn
kaj gajigas vian malĝojon.
Rideto valoras de kiam ĝi estas donita.
Se vi pensas, ke rideton al vi nenion alportas,
estu malavara kaj donu la vian,
ĉar neniu bezonas pli da rideto
kiel tiu, kiu ne scias rideti.

Enmanigo de Medalo pri Toleremo

Guido Ricci Ĝenerala Sekretario de SEL

Malmultaj homoj ne konas la geskoltan movadon, fonditan en 1907 de Robert Baden-Powell, kaj havantan dekojn da milionoj da membroj en la tuta mondo. La esperantistoj verŝajne rimarkis, ke ilia movado havas vastan komunan kampon kun skoltismo, kiu ankaŭ strebas al la forigo de internaciaj bariloj kaj al tutmonda solidareco.

A. Lowenstein, R. Corsetti, G. Ricci (parolas),
E. Missoni kaj la tendara respondeculo en Loppiano

WOSM kaj WAGGGS estas la mondaj organizoj de la skolta kaj de la skoltina movadoj. Inter multaj internaciaj renkontiĝoj, ili okazigas ĉiun kvaran jaron tuteŭropan tendaron por geroveroj. Rovero estas pliaĝa skolto (ĉirkaŭ 16- 21-jara). Tiu tendaro nomiĝas Roverway kaj okazis en jaro 2006 en Italio, nur kelkajn tagojn post la Universala Kongreso de Esperanto. La tendaro verdire konsistis el 100 vagantaj tendaroj de la 6-a ĝis la 11-a de aŭgusto 2006, kaj unu fiksa tendaro de la 11-a ĝis la 14-a. La vagantaj tendaroj okazis en tuta Italio. La fiksa okazis en Loppiano apud Florenco. Ĝin partoprenis 5000 geskoltoj. Dum la fiksa tendaro, oni aranĝis pli ol 100 “metiejoj”, kie la geroveroj povis diskuti kaj lerni pri diversaj temoj kaj teknikoj. SEL organizis tie metiejon pri Esperanto, gvidatan de Venkatesh Reddy (Hindio) kaj Francesco Maurelli (Italio). La metiejo pri Esperanto okazis kvar fojojn kaj ĉiun fojon partoprenis ĉirkaŭ 30 geroveroj. La partoprenintoj ricevis kaj uzis la lernolibron „Ĵamborea Lingvo”. Per rekta instrumetodo ili lernis la fundamentojn de Esperanto kaj post la metiejo ili scipovis konstrui simplajn frazojn en la internacia lingvo. Esperanto estis diskonigita ne nur al cento da geroveroj, sed ankaŭ al la stabo de la skolta movado.

R. Corsetti (meze), A. Lowenstein kaj E. Missoni dum la
ceremonio de enmanigo de la Medalo

Kiel anoncite far s-ro Zamenhof Zaleski dum la malfermo de la UK en Florenco, la Fondumo Zamenhof aljuĝis la Medalon de Toleremo al la Skolta Movado, kaj la enmaniga ceremonio okazis ĝuste dum la Roverway. La 12-an de aŭgusto venis al la tendaro la prezidanto de UEA Renato Corsetti kaj lia edzino Anna Lowenstein. Krom partopreni unu el la metiejoj pri Esperanto por la geroveroj, ili enmanigis la medalon de toleremo de la Fondumo Zamenhof al Eduardo Missoni, ĝenerala sekretario de WOSM. La ceremonio okazis en salono en konstruaĵo meze de la tendaro. Ĉeestis la estroj de la naciaj taĉmentoj kiuj partoprenis Roverway, aliaj skoltaj gravuloj kaj iom da geroveroj. Renato Corsetti paroladis en Esperanto kaj la ĉeestantoj miris ke ili komprenis grandan parton de liaj vortoj. Anna Lowenstein tradukadis la paroladon anglen. En sia parolado, Renato Corsetti substrekis la samecon de la idealoj de la esperantista movado kaj de la skolta movado. En sia dankparolado Eduardo Missoni substrekis, ke li akceptis la medalon nome de la gekolta movado, kaj ne nur de la virskolta organizo. Li ankaŭ menciis, ke Baden-Powell favoris Esperanton, sed bedaŭrinde li ne estis komprenata en sia tempo. Eduardo Missoni aldonis, ke li havas revon: ke en iu venonta Ĵamboreo (la tutmonda skolta renkontiĝo) ĉiuj geskoltoj povu interkompeniĝi pere de Esperanto. Konklude, Eduardo Missoni kaj Renato Corsetti substrekis la rolon de la Skolta Esperanto-Ligo kiel ponto inter la du movadoj, kaj fine la Ĝenerala Sekretario de SEL donacis al Eduardo Missoni du insignojn de SEL. Post la ceremonio okazis formala akcepto kun manĝaĵoj kaj trinkaĵoj. Guido Ricci Ĝenerala Sekretario de SEL