Category Archives: Skolta Metodo

Skoltaj Ludoj

Parto de la Skolta Metodo estas lerni ludante, ĉar ekde la komenco de la movado la ludo estas parto kiel oni trejnas geinfanojn, geknabojn, kaj gejunulojn por la vivo, konstruante malgrandajn grupojn, regulojn, kaj lernante kune agadi por disvolvi taktikojn kaj celojn.
Ni invitas vin sendi aŭ mem montri ĉi tie, tiujn ludojn kiujn vi ofte ludas en via skolt(in)a grupo.

La Skolta Leĝo en Ĉilio

Guias y Scouts de Chile

Sendube, la plej grava momento en ĉies skolt(in)a vivo, estas kiam oni faras “la promeso”-n.  La Skolta Leĝo ne estas la sama tutmonde, kaj de tempo al tempo oni aranĝas ĝin laŭ la nova sentemo de la junularo.

Malgraŭ tio, ĝi ĉiam kaj ĉie invitas nin agi laŭ ĝi.

Do, ĉu vi povas sendi al ni kiel tekstas nuntempe la Skolta Leĝo por via Skolt(in)a Asocio?

En Ĉilio, la teksto de la Skolta Leĝo  tekstas jena:

Skolt(in)o estas:

  • fidinda
  • lojala
  • servema sen atendi rekompencon
  • disdonema je ĉiuj
  • gaja kaj afabla
  • protektema je la vivo kaj natura
  • respondeca kaj nenion duonfaras
  • optimista
  • zorgema pri aĵoj kaj valoras la laboron
  • kohera en sia penso, vorto kaj ago.

Kaj ĉe vi?