Category Archives: LSM

La Skolta Leĝo en Ĉilio

Guias y Scouts de Chile

Sendube, la plej grava momento en ĉies skolt(in)a vivo, estas kiam oni faras “la promeso”-n.  La Skolta Leĝo ne estas la sama tutmonde, kaj de tempo al tempo oni aranĝas ĝin laŭ la nova sentemo de la junularo.

Malgraŭ tio, ĝi ĉiam kaj ĉie invitas nin agi laŭ ĝi.

Do, ĉu vi povas sendi al ni kiel tekstas nuntempe la Skolta Leĝo por via Skolt(in)a Asocio?

En Ĉilio, la teksto de la Skolta Leĝo  tekstas jena:

Skolt(in)o estas:

  • fidinda
  • lojala
  • servema sen atendi rekompencon
  • disdonema je ĉiuj
  • gaja kaj afabla
  • protektema je la vivo kaj natura
  • respondeca kaj nenion duonfaras
  • optimista
  • zorgema pri aĵoj kaj valoras la laboron
  • kohera en sia penso, vorto kaj ago.

Kaj ĉe vi?

Ridetu

 

Gabriela Mistral
Gabriela Mistral

(poemo de Gabriela Mistral,  Ĉilia Nobelpremiito ) 
Rideto kostas malmulton,
kaj produktas multon.
Ĝi ne malriĉiĝas tiun, kiu ĝin donas
kaj riĉigas tiun, kiu ĝin ricevas.
Ĝi daŭras etan momenton
kaj restas eterne en memoro.
Ĝi estas la eksterna spuro
de profunda amikeco.
Neniu estas tiom riĉa,
kiu povas vivi sen ĝi;
kaj neniu tiom malriĉa
por ne meriti ĝin.
Rideto konsolas lacecon,
renovigas la fortojn
kaj gajigas vian malĝojon.
Rideto valoras de kiam ĝi estas donita.
Se vi pensas, ke rideton al vi nenion alportas,
estu malavara kaj donu la vian,
ĉar neniu bezonas pli da rideto
kiel tiu, kiu ne scias rideti.

Enmanigo de Medalo pri Toleremo

Guido Ricci Ĝenerala Sekretario de SEL

Malmultaj homoj ne konas la geskoltan movadon, fonditan en 1907 de Robert Baden-Powell, kaj havantan dekojn da milionoj da membroj en la tuta mondo. La esperantistoj verŝajne rimarkis, ke ilia movado havas vastan komunan kampon kun skoltismo, kiu ankaŭ strebas al la forigo de internaciaj bariloj kaj al tutmonda solidareco.

A. Lowenstein, R. Corsetti, G. Ricci (parolas),
E. Missoni kaj la tendara respondeculo en Loppiano

WOSM kaj WAGGGS estas la mondaj organizoj de la skolta kaj de la skoltina movadoj. Inter multaj internaciaj renkontiĝoj, ili okazigas ĉiun kvaran jaron tuteŭropan tendaron por geroveroj. Rovero estas pliaĝa skolto (ĉirkaŭ 16- 21-jara). Tiu tendaro nomiĝas Roverway kaj okazis en jaro 2006 en Italio, nur kelkajn tagojn post la Universala Kongreso de Esperanto. La tendaro verdire konsistis el 100 vagantaj tendaroj de la 6-a ĝis la 11-a de aŭgusto 2006, kaj unu fiksa tendaro de la 11-a ĝis la 14-a. La vagantaj tendaroj okazis en tuta Italio. La fiksa okazis en Loppiano apud Florenco. Ĝin partoprenis 5000 geskoltoj. Dum la fiksa tendaro, oni aranĝis pli ol 100 “metiejoj”, kie la geroveroj povis diskuti kaj lerni pri diversaj temoj kaj teknikoj. SEL organizis tie metiejon pri Esperanto, gvidatan de Venkatesh Reddy (Hindio) kaj Francesco Maurelli (Italio). La metiejo pri Esperanto okazis kvar fojojn kaj ĉiun fojon partoprenis ĉirkaŭ 30 geroveroj. La partoprenintoj ricevis kaj uzis la lernolibron „Ĵamborea Lingvo”. Per rekta instrumetodo ili lernis la fundamentojn de Esperanto kaj post la metiejo ili scipovis konstrui simplajn frazojn en la internacia lingvo. Esperanto estis diskonigita ne nur al cento da geroveroj, sed ankaŭ al la stabo de la skolta movado.

R. Corsetti (meze), A. Lowenstein kaj E. Missoni dum la
ceremonio de enmanigo de la Medalo

Kiel anoncite far s-ro Zamenhof Zaleski dum la malfermo de la UK en Florenco, la Fondumo Zamenhof aljuĝis la Medalon de Toleremo al la Skolta Movado, kaj la enmaniga ceremonio okazis ĝuste dum la Roverway. La 12-an de aŭgusto venis al la tendaro la prezidanto de UEA Renato Corsetti kaj lia edzino Anna Lowenstein. Krom partopreni unu el la metiejoj pri Esperanto por la geroveroj, ili enmanigis la medalon de toleremo de la Fondumo Zamenhof al Eduardo Missoni, ĝenerala sekretario de WOSM. La ceremonio okazis en salono en konstruaĵo meze de la tendaro. Ĉeestis la estroj de la naciaj taĉmentoj kiuj partoprenis Roverway, aliaj skoltaj gravuloj kaj iom da geroveroj. Renato Corsetti paroladis en Esperanto kaj la ĉeestantoj miris ke ili komprenis grandan parton de liaj vortoj. Anna Lowenstein tradukadis la paroladon anglen. En sia parolado, Renato Corsetti substrekis la samecon de la idealoj de la esperantista movado kaj de la skolta movado. En sia dankparolado Eduardo Missoni substrekis, ke li akceptis la medalon nome de la gekolta movado, kaj ne nur de la virskolta organizo. Li ankaŭ menciis, ke Baden-Powell favoris Esperanton, sed bedaŭrinde li ne estis komprenata en sia tempo. Eduardo Missoni aldonis, ke li havas revon: ke en iu venonta Ĵamboreo (la tutmonda skolta renkontiĝo) ĉiuj geskoltoj povu interkompeniĝi pere de Esperanto. Konklude, Eduardo Missoni kaj Renato Corsetti substrekis la rolon de la Skolta Esperanto-Ligo kiel ponto inter la du movadoj, kaj fine la Ĝenerala Sekretario de SEL donacis al Eduardo Missoni du insignojn de SEL. Post la ceremonio okazis formala akcepto kun manĝaĵoj kaj trinkaĵoj. Guido Ricci Ĝenerala Sekretario de SEL

Esperanta Skolta Grupo en Kolombio

de Jorge Aurelio Díaz

Dum la pasinta XII-a Kolombia Esperanto-Kongreso (4–6 de novembro 2006) mi havis la okazon prezenti la novan skoltan grupon “Esperanto”, kiun kvin esperantistoj starigas ekde la pasinta jaro en Bogoto, la ĉefurbo de Kolombio. Pasintjare, okaze de la XI-a Kongreso, la nuna Sekretario de SEL – Guido Ricci, interparolis kun kolombiaj esperantistoj por pripensi la eblon starigi Skoltan Grupon en tre malriĉa bogota kvartalo. Kamilo Botero, skolta plenaĝulo, posedas bieneton aŭ terpecon en tiu kvartalo, kaj li volis oferi ĝin kiel kunvenejon por la skolta grupo. Nia skolta grupo konsistas el tri sekcioj: la svarmo, por la geknaboj ekde la 7 ĝis la 10 jaro, kaj la trupo, por geknaboj ekde la 11 ĝis la 15 jaro, kies nomoj estas respektive gelupidtoj kaj geskoltoj. Nohora Gaitán estas la trupestrino, kaj Héctor Castaneda la svarmestro, Humberto Mayorquin helpas ĉu la trupon, ĉu la svarmon. Mi estas la grupestro. Ni ĉiuj estas lernantaj esperantistoj, kaj ankaŭ la geknaboj lernas Esperanton. Ili salutas, prezentiĝas, preĝas kaj esprimas la skoltan promeson en Esperanto. Ni uzas por tio la libreton “Skolta kaj Tenduma Terminaro” de Ko Hammer. Estas jam en diversaj landoj multaj skoltoj esperantistaj, sed, laŭ nia scio, nur nia skolta grupo uzas Esperanton kiel oficialan lingvon de la grupo. Komence, en la grupo estas nur dek geskoltoj kaj dek gelupetoj, sed ni esperas ke, iam post iam, la geknaboj el la kvartalo, koniĝontaj la ludojn kaj la diversajn agojn de la grupo, sentos sin altiritaj. Temas pri geknaboj tre malriĉaj, kiuj havas tro malmultajn eblojn eliri el sia situacio, kaj multajn fali en la drogkonsumon. Nia celo estas oferi al ili veran okazon, uzi fruktodone sian libertempon. 

La Kolumo de Dinizulu

En la jaro 1888, Baden Powell ricevis donacon de la reĝo de zuluanoj, Dinizulu. Estis kolumo kun pli ol 1000 lignaj “perloj”. En 1919 B-P- serĉis konvenan distingilon por skoltestroj, kiuj trapasis skoltisman kurson, kaj prenis ladan ŝnuron kaj aldonis du tiajn perlojn, kaj tiel li kreis “Wood Badge” (Ligna Insigno).

Nun oni rekreis la kolumon de Dinizulu. Roveroj en Natalo kune kun indiĝenaj zuluaj skoltoj dum monatoj laboris, kaj faris kvar kopiojn de la londa kolumo.
(artikolo el LSM 1-1965)