Category Archives: Esperanta Movado

ĴAMBOREO PER LA RETO KAJ AERO (JOTI KAJ JOTA)

La 19an  ĝis las 21 de oktobro 2018 okazos tutmonde la ĉiujaran eventon nomata Ĵamboreo per la Aero (JOTA) kaj Ĵamboreo per la reto (JOTI) kiuj permesos renkonti geskoltojn el la tuta mondo per la helpo de radioamatoroj kaj de la reto.

Kutime radioamatoroj instalas radioaparatojn kaj antenojn en skoltaj kunvenejoj aŭ dum tendumadoj kiam eblas, kaj tiam komencas kontakti aliajn radioamatorojn kiuj samfaras, oni interŝanĝas adresojn por poste daŭrigi la kontakton. Feliĉe nun eĉ eblas partopreni per saĝtelefonoj, per apo de Scoutlink (serĉu!!) kaj do babili kie ajn vi lokiĝas.

Skolta Esperanto-Ligo ankaŭ partoprenos en ĝi por disvastigi la ekziston de la Ligo kaj la uzo de Esperanto en Internacia Skolt(in)ado. Eblas partopreni rete ĉe la kanalo #esperanto en http://webchat.scoutlink.net kaj voĉe ankaŭ per la programo Teamspeak en la sama kanalo

Oni alte bezonatas uzi la kanalojn por ne perdi ilin!!!!

Skolta Tendaro en Hungario

Informas Zahonyi Lajos

Inter 16 kaj 23 de julio 2006 en Hungario okazis la unua – post 60 jaroj – skolta Esperanto – tendaro. Apud rivereto Tur (orienta Hungario), ĉe la vilaĝo Turistvandi tendumis 14 personoj, kuj antaŭtagmeze partoprenis E-kurson. La tendaro sukcesis dank’ al la kunlaboro de Asocio de Hungaraj Skoltinoj kaj Skoltoj, Hungara Esperanto Junularo (HEJ) kaj Nacia Reprezentanto de SEL.

Stelo, la monunuo de la esperantistaro

La Stelo estas la monunuo de la esperantistoj. Malsimile al la naciaj monunuoj, la guldeno, dolaro ktp, la stelo estas stabilvalora. Sed, kion signifas tio.

Nu, se la kosto de koltuko skolta antaŭ kvar jaroj estis dek steloj (aŭ kvin guldenoj) la kosto nun estas ankoraŭ la sama en steloj, kvankam vi devus pagi ses guldenojn en butiko.

Ni diras, do, ke la “aĉetpovo” de la stelo restas konstanta, spite de la faloj en la aĉetpovo de la naciaj monoj.

La stelo originis en Nederlando en la jaro 1946, kaj ĝi ricevis la nomon por montri, ke ĝi apartenas al la esperantistoj. Dum multaj jaroj oni uzis kuponojn por la stelo, sed en 1960 oni faris ankaŭ monerojn, kaj tiuj moneroj estas ankoraŭ uzataj.

bildo de 25 steloj